挽回感情挽回成功經驗－打到阿Yu下巴縫五針 周永恒話分手 小三唔肯斬纜 ( 拜託想整死小三嗎? 這也太簡單了by愛情破解學院)

【恒Yu家暴之三敗俱傷】周永恒和老婆趙頌茹（阿Yu）的家暴事件，越鬧越大，令阿Yu離家出走，隨着港視小花劉依靜（Ruby）的小三身份曝光，周永恒後悔打老婆，他直認已與小三斬纜，但Ruby昨日卻自爆仍有跟周永恒密切聯絡。好友可嵐更指周永恒打到阿Yu下巴縫五針！

身為人夫兼人父的周永恒近日被爆家暴，老婆趙頌茹日前報警指遭周永恒推跌，傷及下巴，他本周五要到屯門裁判法院提堂。二人結婚4年，育有兩女，有指近年婚姻現裂痕，周永恒搭上模特兒公司合作拍檔兼經理人的港視小花劉依靜，阿Yu為了感情問題被周永恒動粗，家暴過來人兼兩人好友的可嵐昨接受電話訪問，坦言前日慰問了阿Yu，指阿Yu的下巴縫了四、五針，擔心有疤，可嵐說：「佢好徬徨，佢話好掛住兩個女，唔知點面對Roy（周永恒），問我係咪分開好啲。」可嵐透露之前上他們屋企見到Ruby都感奇怪：「阿Yu搬開住冷靜係好事，我感受到阿Yu好愛Roy，Roy都愛佢。」周永恒表示後悔打走阿Yu，並稱聲已撇甩小三，偏偏Ruby昨日卻篤爆跟周永恒仍有聯絡。
周永恒大前晚往警署落口供後，接受訪問時坦承有婚外情，本報昨日搶先踢爆小三Ruby身份，Ruby於一年前跟周永恒日久生情，Ruby乘機融入周永恒和阿Yu社交圈。問到周永恒小三可是Ruby？他昨在電話訪問中說：「唔回應。」有傳他跟小三曾拍情慾短片，問可擔心情慾短片外洩？周永恒說：「Send嚟睇吓，我都想睇，唔好誣衊我啦，冇時間諗花邊嘢，我想諗吓自己將來，你哋講嗰啲嘢我好想睇，但唔回應，好攰呀！」


建議搞復合公投

問到周永恒跟小三是否已分手？他坦言：「分咗手啦。」擔心阿Yu提出離婚？他說：「畀啲空間我哋，我答乜都冇用，我哋要沉澱。」是否已聯絡到阿Yu？他說：「唔回應，我同佢有協議大家要冷靜。」之後他越說越輕佻：「不如《蘋果》公投啦，睇吓我哋一唔一齊番，或者揀吓我做邊份工啦。唔係交代畀大眾，總之全部都唔回應，我有自己選擇同空間，唔回應咁多。你哋出糧啫，我使唔使收番你哋稿錢呀，我做呢啲新聞大家係咪睇到好有娛樂性？我又冇錢收。」
周永恒及後又自嘲：「我有乜錢喺公眾人物搵番嚟，你列個表畀我，唔好玩我啦，總之禮拜五上庭會認罪，屋企仲有好多好細嘅嘢，唔諗住講出嚟，好多家庭問題要處理。」周永恒說罷匆匆收線，事後卻WhatsApp說：「我唔想將呢單新聞變成茶餘飯後話題，就算係都等我處理咗屋企問題先。」對於態度輕佻，周永恒解釋：「我好輕鬆啫，唔係輕佻，我鬆到覺得我同老婆件事終於有空間，同佢傾完大家想要啲空間，好開心，剩低交時間決定。」周永恒前日表示對推撞阿Yu深感後悔，並希望得到神的原諒，他前晚在facebook借用聖經金句「表白」：「汙（污）穢的言語一句不可出口，只要隨事說造就人的好話，叫聽見的人得益處。」
Ruby突鏟走合照

周永恒直認同Ruby已斬纜，記者昨致電Ruby，她卻說：「撇乜啫，我哋一直係朋友關係，仲有聯絡，今日傾電話都有關心問候，我有問候阿Yu，佢哋一定要復合。」Ruby忽然又扯開話題指跟周永恒是生意拍檔：「要睇阿Yu意願，佢如果相信我哋，生意先可繼續run落去，佢唔相信，我尊重佢，我會接手番啲project，希望阿Yu快啲返屋企，如阿Yu所講交畀主。」Ruby表示心煩意亂，但否認會自殺：「我唔會諗唔通，我知呢啲時候要振作，自殺對呢件事係冇用，對佢哋係仲傷害，但呢刻我真係好攰。」Ruby又突然無私顯見私，把早前放社交網站上跟周永恒及阿Yu的合照全部鏟走。
採訪：陳杰、皓騫
相同招數：恒Yu重演馬賽事件

劉依靜（Ruby）破壞周永恒與趙頌茹的婚姻，而她的伎倆與馬賽拆散汪子琦與內地富婆Laura的招數一樣。




新聞部分轉載自　http://hk.apple.nextmedia.com/entertainment/art/20140901/18851457?top=4h
挽回感情挽回成功經驗

此文章轉載於網路 若是有任何處理不適 還請您務必告知 我們將立即處理～暫予海涵 萬分感謝